दैनिक नेपालगन्ज
राजधानी काठमाडौंमा भएको असिनावृष्टिका कारण बुधवार त्रिभुवन अन्तर्राष्ट्रिय विमानस्थलको धावनमार्ग उपलब्ध हुन नसकेपछि दुबईबाट काठमाडौं आउँदै गरेको फ्लाई दुबईको विमान भारतको लखनउ डाइभर्ट गरिएको छ ।
फ्लाई दुबईको उडान नम्बर एफजेड ५३९ मा १६१ जना यात्रु सवार थिए । दुबईबाट काठमाडौंका लागि उडेको उक्त विमान आज दिउँसो ३ बजे काठमाडौं अवतरण गर्ने तालिका थियो ।
काठमाडौंमा असिनावृष्टिका कारण अवतरणमा समस्या भएपछि विमानलाई लखनउ विमानस्थलमा अवतरण गराइएको हो ।
लखनउ विमानस्थलमा आवश्यक औपचारिकता तथा उडान सञ्चालनसम्बन्धी समन्वय पूरा गरेपछि विमान साँझ ४ बजेर ३६ मिनेटमा पुनः काठमाडौंका लागि प्रस्थान गरेको जनाइएको छ ।
