नेपालगञ्जको रामलिला मैदानमा विजयादशमीको घटनास्थापनादेखि शुरु भएको रामलिला महोत्सव अन्तर्गत १०औँ दिन आज विशेष रावण बध गर्न लागिएको छ।
रामलिला नाटक प्रदर्शनीमा रावणको पुत्ला दहन गर्न लागिएको हो। यस वर्ष आयोजना गरिएको 157 औँ रामलिला महा महोत्सवमा आज कुम्भकर्ण, मेघनाथ र रावण बध गरिनेछ। रामलिला सञ्चालक समितिद्वारा आयोजित महोत्सवको आजको कार्यक्रम दिउँसोदेखि शुरु हुनेछ ।
भोलि भरत मिलाप र पर्सी शुभराज्यभिषेक गरेर रामलिला सकिनेछ। रामलिला मैदानमा आजकै दिन लाग्ने दशहरा मेला हेर्न छिमेकी मुलुक भारत समेत सर्वसाधारण आउने गर्दछन्।
