आगामी फागुन २१ गते आम निर्वाचन घोषित छ । त्यसैका लागि भनेर सरकार गठन भएको छ, जेनजी आन्दोलनका बलमा । निर्वाचन आयोग मतदाता नामावलीका लागि क्रियाशिल छ, निर्वाचन तयारीका कामहरू पनि भैरहेको बताउँदै आएको छ । तर, सबैभन्दा महत्वपूर्ण कुरा पहिलो पटक मतदानमा सहभागी हुने त्यही जेनजी पुस्तामा मतदाता शिक्षा सुरुसम्म हुन सकेको छैन ।
आम निर्वाचनकै झल्को दिने गरी सयौं विद्यार्थीहरू शुक्रबार मतदान प्रक्रियामा सहभागी भए । स्थानीय आदर्श माविले तीन बर्षदेखि युवा विद्यार्थीहरूलाई मतदाता शिक्षासँगै उनीहरूलाई नेतृत्व चयन प्रक्रिया सिकाउन यसरी मतदान कार्यक्रम गर्दै आएको हो ।
आदर्श माविमा अध्ययनरत विद्यार्थीहरूको गैह्र राजनीतिक संगठन (क्लब) आदर्श क्वालिटी संर्कल विहानी सत्र र दिवा सत्रको निर्वाचन गरिएको विद्यालयका प्रिन्सिपल महेश्वर जोशीले जानकारी दिएका छन् । उनका अनुसार, १ हजार ३ सय विद्यार्थी मतदाता मध्ये ८२ प्रतिशत मतदान भएको छ ।
प्रमुख निर्वाचन आयुक्त तसौवर खानका अनुसार विहानी सत्रको अध्यक्षमा प्रभात मिश्रा, उपाध्यक्ष प्रोमिश गिरी, भिमा वली, सचिवमा सुमिक्षा चन्द, कोषाध्यक्षमा बिबिका भण्डारी, सहसचिवमा जयेन्द्र शाही निर्वाचित भएका छन् । सर्कलको विहानी सत्रको सदस्यहरूमा सौगात थापा, कामना खत्री, बिशिष्ट घिमिरे, रोहित थापा, रक्षा पुन मगर, सुप्रिमा बोहोरा, ग्रिश्मा रोकाया निर्वाचित भएका हुन् ।
त्यस्तै, आदर्श क्वालिटी सर्कलको दिवा सत्रको अध्यक्षमा बिजय अधिकारी, उपाध्यक्षमा पुकार सिंह सुनार, पलक बर्नवाल, सचिवमा आशिष भण्डारी, कोषाध्यक्षमा श्रद्धा चौधरी, सहसचिवमा इलेश चौधरी निर्वाचित भए । त्यस्तै सदस्यहरूमा रिद्वि गुप्ता, उदय हुसैन, तनिस्क जैसवाल, कमला शर्मा, प्रतिक बुढा, मदन बुढा क्षेत्री, रसिम थापा निर्वाचित भएका
हुन् ।
