विश्व भरी नेपालीको पहिचान झल्काउने नेपाली टोपी दिवसलाई महत्वका साथ मनाउनु पर्नेमा कार्यक्रमका सहभागिहरुले जोड दिएका छन् ।
बास नेपाल बाँके शाखाको आयोजनामा आज नेपालगन्जको बिपी चौकमा आयोजित नेपाली टोपी दिवस कार्यक्रममा बोल्ने बक्ताहरुले नेपालको नेतृत्वतहमा रहेका ब्यक्तिले टोपी लगाउन लाज मानिरहेको अवस्थामा हरेक नागरिकले नेपाली टोपी र पोषाकको जगेर्ना गर्नुपर्नेमा जोड दिएका थिए ।
कार्यक्रममा बोल्दै नेपालगञ्ज उद्योग बाणिज्य महासंघका पुर्ब केन्द्रीय सदस्य कृष्ण प्रशाद श्रेष्ठले नेपाली टोपीलाई शान र पहिचानको रुपमा प्रयोग गर्न सबैलाई अपिल गरे । कार्यक्रममा बोल्दै मुस्लिम अगुवा हाजी मोहम्बत कादिरले नेपाली टोपी हामी सबै नेपालीको शान भएको बताउँदै उनले टोपीले हामी संसारभरी फैलिएर रहेका सम्पुर्ण नेपालीहरुलाई एकताबद्ध गरेका पनि बताए ।
कार्यक्रममा बोल्दै बास नेपालका संस्थापक सल्लाहाकार रुद्र प्रशाद तिमिल्सिनाले विश्वमा फरक पहिचानको रुपमा रहेको नेपाली टोपीले देशको स्वाभिमान झल्काएको बताए । बास नेपालको साझा कार्यक्रम अन्तर्गत सबैै जिल्लामा एकै पटक गर्ने साझा कार्यक्रम अन्तर्गत आज बास बाँके शाखाले टोपी दिवसको आयोजना गरेकामा धन्यवाद दिदै बिभिन्न जिल्ला शाखाहरुलाई पनि सम्झेका थिए ।
कार्यक्रमको उद्धेश्य माथि प्रकास पार्दै बास नेपालका निर्देशक हेमराज भट्टले हाम्रौ गौरब हाम्रो सान नेपाली टोपी हाम्रो पहिचान नाराका साथ नेपालीपनलाई संरक्षण, प्रर्वद्धन र विस्तार गर्दै साझा कार्यक्रमको रुपमा विकास गर्दै लैजाने उद्धेश्यले विगतका बर्षहरुदेखि नै बासले टोपी दिवस मनाउदै आएको बताए ।
बास नेपालका जन सम्पर्क अधिकृत माधव कार्कीले सञ्चालन गरेको कार्यक्रममा धन्यबाद ज्ञापन सहित समापन बास नेपाल बाँके शाखाका अध्यक्ष रामु चिडिमारले गरेका थिए । कार्यक्रममा विभिन्न सरकारी, गैरसरकारी, ब्यवसायि, बिद्यार्थी लगायतको स्वस्फूर्त सहभागिता रहेको थियो ।
यसै गरी बास नेपालका बिभिन्न जिल्ला शाखा प्रदेशले पनि भब्यताका साथ टोपी दिवस मनाएका छन् । बास नेपाल कोशी प्रदेशले आज टोपी दिवस मनाएको छ । प्रदेश ईन्चार्ज ईन्द्र बहादुर केसीका अनुसार नेपाली टोपी दिवस जसरी पनि मनाउनु पर्छ भन्ने उद्धेश्यका साथ बास नेपालका शुभचिन्तकहरुको सहभागीताका प्रदेशमा टोपी लगाएर दिवस मनाएका छन् । त्यसै गरी बास नेपाल ईलाम शाखा अध्यक्ष राम मगरका अनुसार आजै ईलाममा नेपाली टोपि नेपाली पहिचान भन्ने मुल नाराका साथ प्रशिद्ध धार्मीक स्थल सिंहवाहिनी मन्दिर परिसरमा सरसफाई कार्यक्रम गरी मनाईएको छ । बास नेपाल ईलाम शाखका पदाधिकारीहरु र अन्य शुभचिन्तकहरुको सहभागीतामा उक्त कार्यक्रम सम्पन्न गरिएको ईलाम शाखा अध्यक्ष राम मगरले जानकारी गराए ।
त्यसैगरी बास नेपाल काठमान्डौ शाखाले बिभिन्न निकायको सहकार्य र समन्वयमा टोपी दिवस मनाएको छ भने बास नेपाल कर्णली प्रदेश र सुर्खेत शाखाको सहकार्यमा आजै सुर्खेको बिरेन्द्रनगरमा प्रदेश समिति र शाखा पदाधिकारीहरुको उपस्थितिमा टोपी दिवस मनाएको सुर्खेत शाखाका अध्यक्ष सुशिल सुनारले बताए ।
त्यसैगरी बर्दियाको गुलरियामा पनि टोप दिवस भब्यताका साथ सम्पन्न भएको जानकारी प्राप्त भएको छ । बास नेपाल केन्द्रीय उपाध्यक्ष खुमेश सुबेदीको उपििस्थतिमा बर्दिया शाखाले टोपी दिवस मनाएको बा िनेपाल बर्दिया शाखा अध्यक्ष राम सुनामले बताए ।
त्यसैगरी बास नेपाल दैलेख शाखाले नेपाल पत्रकार महासंघ दैलेख शाखाका अध्यक्ष अमर सुनार, राष्ट्रिय लोक दोहोरी प्रतिष्ठानका जिल्ला अध्यक्ष हिमराज अधिकारी, दैलेख उद्योग बाणिज्य संघका पूर्व अध्यक्ष गणेश श्रेष्ठ, सामुदायिक वन उपभोक्ता महासंघका पूर्व जिल्ला अध्यक्ष मणिराम शर्मा, बास नेपाल दैलेख शाखाका पुर्ब अध्यक्ष तथा बास नेपालका सक्रिय सदस्य हिक्मत बुढाको उपस्थितिमा शाखाका पदाधिकारी आज दैलेख सदरमुकाममा भब्यताका साथ टापी दिवस मनाएको शाखाका पुर्ब अध्यक्ष जानकारी गराए ।
बास नेपाल दार्चुला शाखाले पनि सदरमुकाममा आजै शाखाका सम्पुर्ण पदाधिकारीहरु र बासका शुभचिन्तकहरुको उपस्थितिमा नेपाली टोपी दिवस मनाएको दार्चुला शाखा अध्यक्ष अनुराधा टिकंरीले जानकारी गराईन् ।
