आगामी २०८१ पौष १२–१३ गते लुम्बिनी प्रदेशको नेपालगन्ज रंगशालामा दोस्रो प्रोफेशनल राष्ट्रिय हाप्किडो च्याम्पियनशिप आयोजना हुने भएको छ ।
बाँके जिल्ला हाप्किडो संघ र नेपाल हाप्किडो संघको सहकार्यमा आयोजना हुने च्याम्पियनशिपमा विभिन्न हाप्किडो खेलाडीहरूको लागि एक महत्वपूर्ण प्लेटफर्म हुने छ । जसले उनीहरूको क्षमता र हाप्किडोको व्यावसायिकता प्रदर्शन गर्न सक्ने अवसर प्राप्त गर्नेछन् ।
प्रतियोगितामा ७ प्रदेशका पुरुष र महिला खेलाडीहरूको प्रतिस्पर्धा हुने प्रतियोगिता संयोजक तथा नेपाल हप्किडो संघका केन्द्रिय सदस्य मोहमद समिर हलुवाईले जानकारी गराए ।
आयोजकका अनुसार, यस च्याम्पियनशिपमा उत्कृष्ट प्रदर्शन गर्ने खेलाडीहरूले मेडल र प्रमाणपत्र प्राप्त गर्नेछन् । यसले उनीहरूको कठिन परिश्रम र समर्पणलाई सम्मान गर्ने अवसर प्रदान गर्नेछ । यस च्याम्पियनशिपबाट उत्कृष्ट हुने खेलाडीहरु आगामी २०२५ जनवरी ०९ देखी १२ तारिखसम्म भारतमा आयोजना हने अन्तर्राष्ट्रिय हाप्किडो च्याम्पियनसिपमाको लागि खेलाडी छनोट हुने छन् ।
नेपाल हप्किडो संघ र बाँके जिल्ला हाप्किडो संघको सहकार्यमा आयोजित यस च्याम्पियनशिपले नेपालका विभिन्न क्षेत्रका हाप्किडो प्रेमी र खेलाडीहरूलाई एकत्रित गर्न, हाप्किडो खेलको स्तर वृद्धि गर्न र नयाँ प्रतिभाहरूलाई उजागर गर्न मद्दत गर्ने बताइएको छ ।
