सजल गैरे
लुम्बिनी कप अन्तर्राष्ट्रिय आमन्त्रण महिला फुटबल प्रतियोगिताको फाइनलमा प्रवेश गर्दै विभागीय टोली नेपाल पुलिस क्लबले अर्को विभागीय टिम त्रिभुवन आर्मी क्लबलाई स्तब्ध बनाएको छ ।
नेपालगन्ज रङ्गशालामा मंगलवार भएको पहिलो सेमिफाइनल खेलमा अर्को विभागीय टिम त्रिभुवन आर्मी क्लबलाई पेनाल्टी सुट आउटमा ६–५ गोल अन्तरले स्तब्ध पार्दे पुलिस फाइनलमा प्रवेश गरेको हो ।
त्रिभुवन आर्मीका कोच चक्र तामाङले रेफ्रिको कमजोरी र व्यवस्थापकीय पक्षको त्रुटिका कारण सोचे अनुसारको प्रस्तुति दिन नसकेको बताए । यो नतिजाले आगमाी दिनमा सिकाई भएको र केही राम्रा खेलाडीको अभाव भएको समेत उल्लेख गरे । त्यस्तै आर्मीका क्याप्टेन सुनिता चौधरीले खेलाडीहरुले राम्रो प्रस्तुति दिएको भएपनि सोंचेअनुरुप खेल हुन नसकेको बताइन ।
निर्धारित ९० मिनेटको खेलमा पुलिसको तर्फबाट पहिलो हाफको २९ औ मिनेटमा मिना देउवाले एक गोल गरेर पुलिसलाई एक गोलले अग्रता दिलाउन सफल भइन् । पहिलो हाप सकिंदासम्म आर्मीका तर्फबाट कुनै गोल हुन सकेन । खेलको दोस्रो हाफको ८० औ मिनेटमा आर्मीकी तुलसा बोहराले एक गोल गरिन् । आर्मीकी बोहराले गोल गरेपछि खेलको निर्धारित समय सकिंदासम्म दुबै टिमबाट थप अर्को गोल हुन सकेन ।
१÷१ गोलको बराबरीमा खेल रोकिएपछि खेल पेनाल्टी सुट आउटमा गएको थियो । पुलिसकी रेबिका पाण्डे, उषा नाथ, निरु थापा, सुष्मा तामाङ, अनुष्का शेर्पा र अमृता जैसीले पेनाल्टी गोल गरे भने मोनिका पुलामी मगर, मिना देउवा र समीक्षा घिमिरेले गोल गर्न चुके ।
त्यस्तै आर्मीकी तुलसा बोहरा, हिमा चौधरी, सपना लामा, बिमला विक र सुखरिया सुक्लखुले गोल गर्न सफल भए भने अंचली वाइबा, चन्द्रा भण्डारी, सुनिता चौधरी र इन्दिरा राईले गोल गर्न सकेनन् ।
खेलमा म्यान अफ द म्याच पुलिसकी गोलकिपर उषा भइन् । गोलकिपर उषाले आफूलाई ग्राउण्डमा खेल्ने अवसर दिएमा राम्रो नतिजा दिन सक्ने बताएकी छन् ।
प्रतियोगिताको मुख्य रेफ्री कृष्ण खत्री रहेका थिए भने सहायक रेफ्रीहरुमा जमुना आले, अमर घले र अनुपसिङ थारु रहेका थिए । मंगलवारको खेलमा पहेंलो कार्ड पुन्जली कुशवारले पाएकी थिइन् । खेल आयोजक संस्था अन्तरालका कार्यकारी निर्देशक जयनारायण शाह र नेपाल पत्रकार महासंघ बाँकेका पुर्व अध्यक्ष निरज गौतमले संयु्क्त रुपमा खेलाडीलाई बल हस्तान्तर गरेपछि सुरु भएको थियो ।
यस्तै नेपाल पुलिस क्लवका कोच सुमन सुवेदीले दुबै टिम बिभागिय भएकाले प्रतिस्पर्धा कडा भएपनि खेलमा नजिता आउनेमा विश्वस्त रहेको बताए । उनले फाइनल खेलमा पनि जितको राम्रो संभावना आकलन गरेका छन । पुलिसका क्याप्टेन निरु थापाले घरेलु मैदानबाट फाइनल खेल जितेर जाने गरी तयारीमा रहेको बताएकी छिन ।
पुलिसले अब उपाधिका लागि आज बुधबार हुने दोस्रो सेमिफाइनल खेल अन्र्तगत रौतहट फुटबल संघको टोली र अर्को विभागीय टोली एपीएफबीचको खेलको विजेतासँग प्रतिस्पर्धा गर्ने आयोजक अन्तरालले जनाएको छ ।
