कर्तव्य ज्यान मुद्दामा फरार रहेका एक प्रतिवादीलाई बाँके प्रहरीले पक्राउ गरेको छ।
जिल्ला प्रहरी कार्यालय बाँकेका अनुसार, खजुरा गाउँपालिका–७ निवासी कमली कुमारी यादव अहिरले इलाका प्रहरी कार्यालय धनौलीमा दिएको जाहेरीका आधारमा मिति २०८२ असार १३ गते कर्तव्य ज्यान मुद्दा दर्ता गरिएको थियो। उक्त मुद्दामा संलग्न भई फरार रहेका खजुरा गाउँपालिका निवासी रिशिराम अहिरलाई मिति २०८३ जेठ १९ गते इलाका प्रहरी कार्यालय धनौलीबाट खटिएको प्रहरी टोलीले खजुरा गाउँपालिका–५ बाट पक्राउ गरेको हो।
पक्राउ परेका अहिरलाई सम्मानित बाँके जिल्ला अदालतबाट पाँच दिनको म्याद थप अनुमति प्राप्त गरी थप अनुसन्धान कार्य भइरहेको जिल्ला प्रहरी कार्यालय बाँकेले जनाएको छ।
सूचना अधिकारी प्रहरी नायव उपरीक्षक प्रतित सिंह राठौरका अनुसार घटनासम्बन्धी थप अनुसन्धान जारी रहेको छ।
