सामसुङ नेपाल र एनसेलबीच एनसेलका ग्राहकलाई लक्षित गर्दै दसैँको अवसरमा विशेष छुट तथा अफर उपलब्ध गराउने सम्बन्धमा समझदारीपत्र (एमओयू) मा हस्ताक्षर भएको छ।
समझदारीअन्तर्गत एनसेलका ग्राहकले सामसुङका छनोट गरिएका टेलिभिजन, फ्रिज तथा वासिङ मेसिन खरिद गर्दा सामसुङको चलिरहेको चाडपर्व अफरमा थप १२ प्रतिशतसम्मको छुट पाउनेछन्। यससँगै योग्य उत्पादनमा ग्राहकले कुल ३१ प्रतिशतसम्मको लाभ लिन सक्नेछन्।
सामसुङको चाडपर्व अभियान ‘Smart Upgrade घरमा, Lucky Surprise चाडमा!’ अन्तर्गत सञ्चालन भइरहेको अफरलाई यो सहकार्यले थप आकर्षक बनाउने कम्पनीको भनाइ छ। यसले चाडपर्वको समयमा घरायसी उपकरण तथा मनोरञ्जनका सामग्री अपग्रेड गर्न चाहने ग्राहकलाई थप सुविधा पुग्ने अपेक्षा गरिएको छ।
यो अफर लिन एनसेल ग्राहकले Ncell App मा रहेको Partnered Services सेक्सनमा गएर आफूलाई उपलब्ध विशेष छुट हेर्न सक्नेछन्। प्रत्येक ग्राहकले सम्बन्धित उत्पादन र छुटअनुसार फरक–फरक अफर प्राप्त गर्नेछन्। त्यसपछि अफर कोडसहित नजिकको सम्बन्धित सामसुङ आधिकारिक बिक्रेताकहाँ पुगेर आफूले चाहेको उत्पादन खरिद गर्न सक्नेछन्।
नजिकको सम्बन्धित खुद्रा पसल तथा अफरबारे थप जानकारीका लागि ग्राहकले १६६००१७२६६७ वा ९८०१५७२६६७ मा सम्पर्क गर्न सक्नेछन्।
यो अफर २०२६ अक्टोबर ८ देखि नोभेम्बर १६ सम्म लागू हुनेछ। अफरमा अन्य नियम तथा सर्तहरू लागू हुनेछन्।
