रोजगार मेलाको आवश्यकता किन महसुस गरियो ?
नेपालगन्ज उद्योग वाणिज्य संघ निजी क्षेत्रको प्रतिनिधित्व गर्ने संस्था हो । यसले उद्योग उद्योगी व्यवसायीहरूको हकहित संरक्षण गर्ने, हकहितको लागि लड्ने तर रोजगार हामीसँग उद्योगी व्यवसायीहरूको जोडिएका व्यवसायीको सम्बन्ध छ ।
उद्योगी व्यवसायीसँग जोडिएको विषय हुनाले हामीले यो रोजगार मेलाको आयोजना गरेका हौ, प्राथमिकतामा राखेर अगाडि बढेका हौँ ।
अहिले धेरै युवा पंक्तिहरू विदेशिएको अवस्था छ । स्वदेशमै पनि धेरै अवसरहरू छ । अझ नेपालगन्ज सेरोफेरो र बाँके जिल्ला नेपालमै सबैभन्दा धेरै हस्पिटालिटीको सेक्टर भएको यो जिल्ला पनि हो । ठूलाठूला उद्योगहरू नेपालगन्जमा छन् । ठूलाठूला कलकारखानाहरू छन् । उद्योगपतिहरू र यस क्षेत्रका हस्पिटलका महानुभावहरूसँग कुरा गर्दाखेरि यहाँ अपार रोजगारीहरू छ र त्यसका लागि जनशक्ति बाहिर भारत मित्र राष्ट्रबाट ल्याउनुपर्ने परिस्थिति सिर्जना भएको छ ।
यो परिस्थिति किन सिर्जना भयो भने चाहिँ हाम्रै घरै अगाडि रोजगारी खोजी गरिरहेका मानिसहरू पनि हुनुहुन्छ, रोजगार सेवा दिने मान्छे पनि यही हुनुहुन्छ । र त्यसको कोर्डिनेसन गर्ने पाटो चाहिँ यहाँ देखिएको छैन । राज्यले त्यता नजर लगाएको छैन त्यो भएर हामीलाई के लाग्यो भने यसमा कहीँ न कहीँ नेपालगन्ज उद्योग वाणिज्य संघ जोडिनुपर्छ ।
विशेष गरेर बाँकेका सबै स्थानीय तहहरूको रोजगार सेवा केन्द्रले पनि उहाँहरूको चासो यसमा चाहिँ रोजगार मेलाको चासो जोडिएको हुनाले रोजगार मेलाको अवधारणा बनाएर हामी अगाडि बढेका हौँ ।
रोजगारदाता र रोजगार चाहनेहरूको एउटा पुलको काम तपाईँहरू गर्दै हुनुहुन्छ ? यो स्थायी प्रकृतिको हुन्छ कि एकपटक रोजगार मेला गरियो छोडियो सकियो ?
हामीले बुझाउन खोजिरहेका छौं रोजगारदाताहरुसँग पनि हामी बसेका छौँ । भेटघाटले हामीलाई उत्साहित बनाएको छ । वास्तवमा यो हामी केही नयाँ गर्दैछौं । उहाँहरुले यो काम पहिल्यै गर्नुपर्ने हो नेपालगन्ज उद्योग वाणिज्य संघले नेतृत्व लियो उहाँहरुले भन्नुभएको छ र पालिकाहरुले यसलाई दीर्घकालीन रुपमा लैजानुपर्छ भनेको छ र र एउटा मेला सम्पन्न भएपछि त्यसलाई साइड लगाइदिने गर्नुहुन्न भनेर र त्यसलाई निरन्तरता दिनको लागि अहिलेको रोजगार मेलाबाट केही न केही रोजगारीका अवसरहरू प्राप्त गर्नुपर्छ । रोजगारी खोज्न आएका व्यक्तिहरूले रोजगारी प्राप्त गर्नुपर्छ भन्ने पालिकाहरूको राय व्यक्त भयो ।
रोजगार मेलामा को को आउँछन् ? लक्षित समूह होला नि !
इो सबैको साझा सरोकारको विषय हो । रोजगार मेलामा रोजगारदाता र रोजगार आवश्यक पर्नेहरु दुवै पक्कै आउनुहुनेछ । धेरै उद्योगपतिहरूले हामीलाई भन्नुभएको छ कि हामीलाई धेरै अपार जनशक्ति आवश्यकता छ हाम्रै नेपाली दाजुभाईले यही भएका उद्योगमा काम पाउन समस्या छैन । तर पुलको काम गरिदिने अहिलेको अवस्थामा खाँचो छ । त्यही पुल चाहिं यो मेला बन्न सक्ने हाम्रो पहल हो ।
काम भनेको क्षमतासँग जोडिएको विषय पनि हो । के हामीले क्षमता विकासका लागि पनि काम गर्छौं ?
सिप पनि एउटा महत्वपूर्ण पाटो हो । स्किल डेभलपमेन्ट पनि महत्त्वपूर्ण कुरा हो त्यसैले नेपालगन्ज उद्योग वाणिज्य संघले इन्स्योर परियोजनासँग मिलेर हामीले एउटा दुईटा गरिसकेका छौं । तर त्यो पर्याप्त छैन ।
नेपालगन्ज उद्योग वाणिज्य संघ कहिँबाट स्रोत आएर चल्ने संस्था होइन । हाम्रै उद्योग वाणिज्य संघका सदस्यहरूले नवीकरण गरेर आएको त्यहीबाट चल्ने संस्था हो । राज्यले निजी क्षेत्र उद्योग वाणिज्य संघलाई कोर्डिनेसन गरोस् कि शैक्षिक बेरोजगार दक्ष अध्यक्ष वा जस्तोसुकै रोजगारीलाई जोड दियो भने हामी काम गर्न यसमा तयार छौँ । आवश्यकता पनि हो ।
रोजगार मेलाको दुई दिन के के हुन्छ ?
एउटा रोजगार खोजी गर्ने र रोजगार दिनेहरूको समन्वय गर्ने एउटा पाटो हो । हामीले त्यसका लागि ३५ वटा हाराहारीमा स्टल निर्माण गरेका छौँ । ३५ वटा स्टलमा विभिन्न प्रकृतिको कोही उद्योग प्रकृतिको स्टल रहन्छ । कोही स्टार लेभलका होटल सेक्टरको र कतिपय स्कील डेभलपमेन्टलाई लिएर पनि हामीहरुले यस्तो यस्तो सरकारकै योजना अनुसारका कार्यक्रमहरू स्किल डेभलपमेन्टका हामीले लिएर आएका छौं । यसमा तपाईहरुको सहभागिता रहोस् भन्ने किसिमले पनि उहाँहरूको स्टल रहने भएकाले पनि एकातिर रोजगारीको सिर्जना हुने पाटो रहेको छ भने
अर्कोतिर रोजगारी सिर्जनाका लागि स्कील डेभेलपमेन्ट गरी तयारी अवस्थामा रहने व्यवस्था पनि अहिले रहेको छ रोजगार मेलामा ।
रोजगार मेलामा प्यानल डिस्कसन पनि गरिंदैछ, यसको आवश्यकता के हो ?
हामीले तीनवटा प्यानल डिस्कसनको योजना अघि सारेका छौं । त्यसमा एउटा कृषितिरको, एउटा उद्योगतिरको र अर्को पर्यटनसँग जोडेर हामीले प्यानल डिस्कसनका कुराहरू राखेका छौं । यसको आवश्यकता के हो भने हामीले निजी क्षेत्रलाई र सम्बन्धित विषयको विज्ञलाई र उद्योगपतिहरूलाई एकै ठाउँमा उभ्याएर पर्यटनमा काम गरेका साथीहरूलाई पर्यटन का विषयमा जानकारी हुन्छ
उद्योगमा रहेका कठिनाइ उद्योगपतिहरूलाई जानकारी हुन्छ । उहाँहरू सबैलाई प्यानल डिस्कसनमा उभ्याएर र यसलाई समाधान गर्न राज्यले के गर्नुपर्ने र यहाँको स्थानीय सरकारले त्यसलाई कसरी जोड दिने र निजी क्षेत्रले यसमा कसरी समन्वयकारी भूमिका खेल्ने भन्ने किसिमले हामीले बहस चलाउँछौँ । त्यसको निछोड हामीले कार्यान्वयन गर्ने सरकारको तीन तह नै हो निजी क्षेत्रले एउटा पाटो घचघचाउने र राज्यलाई यसो गर्नुपर्छ भनेर त्यसलाई देखाउने हामी बाटोमा छौँ ।
रोजगार मेलाको निचोड हामीले यहाँको स्थानीय सरकार प्रदेश सरकार र सङ्घीय सरकारलाई हामीले पठाउने योजना बनाएका छौं ।
रोजगार मेला भइरहँदा बाँकेबासीलाई गर्ने अनुरोध चाहिँ के हो ?
बाँकेवासीलाई अनुरोध के हो भने अहिले हामी रोजगारीको खोजीमा छौँ भने यिनै सिर्जना भएका रोजगारीका पाटोहरूमा हामी लाग्ने हो ।
त्यसले गर्दा यो दुई दिने रोजगार मेलामा यहाँहरु आउनुस् अवलोकन गर्नुस् र बुझ्नुस् कुन क्याटागरीका कर्मचारीहरू कामदारहरू यहाँका उद्योगहरूले कल कारखानाहरूले हस्पिटालिटी क्षेत्रका ठुलठुला क्षेत्रहरूले होटलहरूले खोजिरहनुभएको छ ? र आफ्नो स्किल डेभलपमेन्ट गर्नका लागि के के कुराहरू कुराहरू पनि यसै क्षेत्रभित्र आधारहरू तय गर्ने भएकाले यहाँहरु यो दुई दिने रोजगार मेला अवलोकन गर्न आइदिनुहोला ।
