जिल्ला प्रहरी कार्यालय बाँकेमा एक महिनाको अवधीमा १ सय ७१ वटा मुद्दा दर्ता भएको छ । प्रहरीले मंसिर महिनामा चालु मुद्दामा १ सय ३९ जनालाई पक्राउ गरेको छ ।
बाँके प्रहरी प्रवक्ता प्रहरी नायब उपरीक्षक दिपक पातलीका अनुसार, गत मंसिर महिनामा जघन्य अपराधका १० र गम्भीर अपराधका ५६ वटा घटना भएको छ । त्यस्तै, एक महिनामा सामान्य अपराधका ४६ वटा मुद्दा प्रहरीमा रहेका छन् ।
जिल्ला प्रहरी कार्यालय बाँकेले महिला, बालबालिका तथा ज्येष्ठ नागरिक सँग सम्बन्धित ७ वटा घटनामा ८ जनालाई पक्राउ गरेको जानकारी दिएको छ ।
प्रहरीका अनुसार, गत मंसिर महिनामा बाँकेमा आर्थिक अपराधका ४१ वटा घटना दर्ता भएका छन् ।
हराएका २० जना फेला परेनन्
जिल्ला प्रहरी कार्यालय बाँकेमा मंसिर महिनामा हराएका ४७ जनाको खोजतलासका लागि निवेदन परेको थियो । जसमध्ये ४० महिला र ७ जना पुरुष रहेका थिए ।
४ सय १२ उजुरी
जिल्ला प्रहरी कार्यालय बाँकेमा मंसिर महिनामा मात्रै ४ सय १२ वटा उजुरी परेका छन् । बाँके प्रहरी प्रवक्ता, प्रहरी नायब उपरीक्षक पातलीका अनुसार, परेका उजुरी मध्ये २ सय २३ मंसिर महिनाभित्रै फस्र्यौट गरिएको छ भने ३ वटा उजुरी निकायमा पठाइएको छ । महिनाको अन्त्य सम्म परेका उजुरी मध्ये १ सय ८६ वटा फस्र्यौट हुन बाँकी रहेका थिए ।
सय बढी सवारी दुर्घटना
बाँकेमा मंसिर महिनामा मात्रै सय बढी सवारीसाधन दुर्घटनामा परेका छन् । जिल्ला प्रहरी कार्यालय बाँकेका अनुसार गत महिना १ सय १ वटा सवारी दुर्घटना भएको थिए । १ सय ५५ वटा सवारीसाधन संलग्न भएको उक्त दुर्घटनामा चार जनाको मृत्यु भएको थियो भने १ सय ४२ जना घाइते भएका थिए ।
प्रहरीले तिव्र गतिले ६६, चालकको लापरवाहीले २८, यान्त्रिक कारणले १ र यात्रुको मापसेको कारणले ५ वटा दुर्घटना भएको जानकारी दिएको छ ।
