नेपालमा टाटा मोटर्सको आधिकारिक वितरक सिप्रदी ट्रेडिङ प्रा.लि.ले धनगढीमा आयोजित कार्यक्रममा अत्याधुनिक टाटा BS6 बस च्यासिस सार्वजनिक गरेको छ।
कार्यक्रममा प्रमुख अतिथि नेपाल यातायात व्यवसायी राष्ट्रिय महासंघ, सुदूरपश्चिमका सहसंयोजक टेकराज जोशी तथा सिप्रदी ट्रेडिङका वरिष्ठ महाप्रबन्धक अनुपमणि ढकालको उपस्थिति रहेको थियो।
कार्यक्रममा ८ देखि १२ मिटर लम्बाइका डे बस र नाइट बसका BS6 च्यासिस प्रदर्शन गरिएको थियो। सिप्रदी ट्रेडिङका प्रबन्धक इन्द्रमणि पोखरेलले BS6 प्रविधिले कम प्रदूषण, उत्कृष्ट माइलेज, बढी इन्धन दक्षता, कम मर्मत खर्च तथा आधुनिक सुरक्षा र इन्जिन व्यवस्थापन प्रणाली उपलब्ध गराउने जानकारी दिनुभयो।
उहाँले सिप्रदीले हालसम्म नेपालमा १,००० भन्दा बढी BS6 सवारी बिक्री गरिसकेको, स्पेयर पार्ट्स र दक्ष प्राविधिक सेवा देशभर उपलब्ध रहेको तथा चालक प्रशिक्षण कार्यक्रम पनि निरन्तर सञ्चालन गर्दै आएको बताउनुभयो।
कार्यक्रममा सहभागी यातायात व्यवसायीहरूले BS6 प्रविधिले सार्वजनिक यातायातलाई थप आधुनिक, सुरक्षित र वातावरणमैत्री बनाउने विश्वास व्यक्त गरेका थिए।
