नेपालको अर्थतन्त्रमा होटल तथा रेष्टुरेन्टले पुर्याएको योगदानको मापन गर्न होटल तथा रेष्टुरेन्टको सर्वेक्षण गरिने भएको छ ।
नेपालमा आवास तथा भोजन सम्बन्धी आर्थिक क्रियाकलाप गर्ने होटल, लज, रेष्टुरेण्ट, रिसोर्ट, होमस्टे, अतिथि गृह÷ सदन, छात्रावास÷होस्टेल, क्याटरिङ सेवा तथा पार्टी प्यालेस जस्ता प्रतिष्ठानहरुले मुलुकको अर्थतन्त्रमा पुर्याएको योगदानको मापन गर्न र अन्य तथ्याङ्कीय विवरण उपलव्ध गराउने उद्देश्यले राष्ट्रिय तथ्याङ्क कार्यालयले चालु आ.व.मा “राष्ट्रिय होटल तथा रेष्टुरेण्ट सर्वेक्षण, २०८०” सञ्चालन गर्न लागेको जानकारी दिएको छ ।
तथ्यांक कार्यालयले सर्वेक्षणको पूर्व तयारी स्वरुप सर्वेक्षणको स्थलगत लगत संकलन कार्यमा खटिने कर्मचारीहरुका लागि धनुषाको लालगढ र रुपन्देहीको मंगलापुरमा पाँच दिने गणक तालिम दिइसकेको छ ।
