शनिबारको मौसमको प्रतिकुलताका कारण नेपालगन्जबाट हुने उडानहरु प्रभावित भएका छन् ।
शीतलहर र बाक्लो हुस्सुका कारण भिजिविलिटी नहुँदा शनिबार विमानस्थलबाट हुने कुनै पनि उडान नभएको नेपालगन्ज विमानस्थल राँझाका प्रमुख सुरेश खनालले जानकारी दिएका छन् ।
शनिबार हुने भनिएको श्रीएयरलाइन्सको माण्उटेन फ्लाइट पनि मौसम प्रतिकुलताले हुन सकेन ।
प्रमुख खनालले नेपालगन्ज विमानस्थलबाट पहाडी जिल्ला सिमीकोट, हुम्ला, बाजुरा र रारा जाने समिट र तारा एयरलाइन्सको छ जहाजको उडान नभएको उल्लेख गर्दै काठमाडौँ जाने श्री एयरलाइन्सको दुई, यती एयरलाइन्सको एक र बुद्ध एयरलाइन्सको छ उडान नभएको बताए ।
