मानव अधिकारका सवालमा सामुहिक रुपमा वकालत र पैरवी गर्ने निर्णय
जेनजी आन्दोलनको सन्दर्भमा भएका धनजनको क्षति र मानव अधिकारका सवालमा बाकेका मानव अधिकारकर्मीले नियमित छलफल सुरु गरेका छन् ।
यस क्रममा सोमबार राष्ट्रिय मानव अधिकार आयोगमा भएको छलफलमा अधिकारकर्मीले मानव अधिकारको पछिल्लो अवस्था, मानव अधिकार रक्षकका चुनौती र संरक्षणका सवालमा छलफल गरेका हुन ।
जेनजी आन्दोलनको क्रममा भएको धनजनको क्षति प्रति आफुहरुको गंभिर ध्यानाकर्षण भएको जनाउदै अधिकारकर्मीहरुले अपराधिक क्रियाकलापमा संलग्नलाई कानूनी दायरामा नल्याउने हो, अराजकता बढ्ने र दण्डहिनताले प्रश्रय पाउने बताएका छन् ।
आन्दोलनका क्रममा कारागारबाट ठुलो संख्यामा थुनुवाहरु बाहिरीएको, सुरक्षाकर्मीका हतियार लुटिएको, चोरी र लुटपाटका घटना बढेको निष्कर्ष निकाल्दै अधिकारकर्मीले नागरिकको ज्यू ज्यानको सुरक्षाको प्रत्याभुतिका लागी प्रहरी प्रशासनसंगै नागरिक समेत चनाखो बन्नु पर्नेमा जोड दिईएको बैठकमा सहभागी अधिकारकर्मी वसन्त गौतमले जानकारी दिए ।
राष्ट्रिय मानव अधिकार आयोग नेपालगंज कार्यालयका प्रमुख द्धारिका अधिकारीको अध्यक्षतामा भएको कार्यक्रममा सार्वजनिक सरोकार कानून ब्यवशायी समुहका संयोजक वरिष्ठ अधिवक्ता सुनिल कुमार श्रेष्ठ, समुहका सचिव एवं एडभोकेसी फोरमका लुम्बिनी प्रदेश संयोजक वसन्त गौतम, नेपालगंज उच्च बारका अध्यक्ष चित्र बहादुर शाही, द्धन्द्ध पीडित तथा एकल महिला संजालका अध्यक्ष एकमाया बिक, मानव अधिकार एलाईन्सका केन्द्रिय सदस्य प्रभात कुमार ठकुरी, नेपाल बार एशोसिएसनका पुर्व उपाध्यक्ष प्रह्लाद बहादुर कार्की, इन्सेकका लुम्बिनी प्रदेश संयोजक भोला महत, नेपालगंज उच्च बारका पुर्व अध्यक्ष बल बहादुर चन्द, अधिकारकर्मी कमला पन्त लगायतका वक्ताले आन्दोलनका क्रममा न्यायालयमा भएको लुटपाट र आगजनीका कारण न्याय सम्पादनमा असर परेको, गाउवस्तीका नागरिकमा असुरक्षा बढेको, बर्तमान संक्रमणकालिन अवस्थामा नागरिकको ज्यू ज्यान र शान्ति सुरक्षामा गंभिर चुनौती थपिएको उल्लेख गर्दै शान्ति सुरक्षाको प्रत्याभुतिका लागी सरकारी संयन्त्रलाई प्रभावकारी बनाईनु पर्नेमा जोड दिएका थिए ।
बर्तमान सन्दर्भमा मानव अधिकार रक्षक समेतका काम कारवाहीमा समेत सुरक्षा चुनौती थपिएको उल्लेख गर्दै आपसी समन्वय र सहकार्यमा जोड दिईएको कार्यक्रमको संयोजन गरकी मानव अधिकार आयोग नेपालगंज कार्यालयकी प्रमुख द्धारिका अधिकारीले बताईन ।
यस अघि एडभोकेसी फोरमले पनि मानव अधिकारकर्मीहरु बिचमा मानव अधिकार रक्षकको अवस्था,चुनौती र संरक्षणका सवालमा मानव अधिकार रक्षकहरुसंग छलफल गरेको थियो । सो क्रममा पनि अधिकारकर्मिले मानव अधिकार रक्षकका सुरक्षा जोखिम बढेको महसुस गर्दै सामुहिक सहकार्यमा जोड दिईएको थियो । आन्दोलनका क्रममा मानव अधिकार आयोगले गाली तोडफोड र युनिफर्म जलाईएको उल्लेख गर्दै अहिले पनि ढुंक भएर काम गर्न सक्ने अवस्था नभएको अधिकारकर्मीले बताएका थिए ।
बर्तमान अवस्थामा महिला अधिकारकर्मीलाई काम गर्न गाहे छ । सुरक्षा चुनौती थपिएको छ । टोलटोलमा अपराधिक कृयाकलाप हुने हल्लाले मानिसहरु त्रसित भएको’ महिला अधिकार रक्षकहरुले बताएका थिए ।
जेनजी आन्दोलन पछि गाउघरमा सुरक्षा चुनौती बढेको छ । लुटपाट र चोरीका घटना बढेका छन् । जसका कारण गाउमा स्थानियले पहरा दिईरहेका छन् । गाउमा सम्पत्ति त बचाउला, चेलिबेटी के गर्छौ भनेर हल्ला फिजाईएकोले महिलाहरुमा त्रास बढेको कार्यक्रममा सहभागी अधिकारकर्मीले बताएका थिए ।
अहिलेको सन्दर्भमा अरुलाई भन्दा मानव अधिकारकर्मीलाई बिश्वास गर्ने भएकाले मानव अधिकारकर्मीले आफ्नो भुमिकालाई बढाउनु पर्ने र यस्तो अवस्थामा एक्लै हिड्दा सुरक्षा चुनौती हुन सक्ने भएकाले अधिकारकर्मीहरु बिच नियमित भेटघाट र सामुहिक सहकार्र्यमा अधिकारकर्मीले जोड दिएका थिए ।
