धर्मका नाममा हुने गतिविधिमा निगरानी
बाँके प्रशासनले निर्वाचन केन्द्रित सुरक्षा सतर्कता अपनाउन थालेको छ । त्यसक्रममा मंगलवार जिल्ला प्रशासन कार्यालय बाँकेको आह्वानमा सर्वदलीय एवम् सर्वपक्षीय बैठक भएको हो ।
बैठकमा सहभागीहरुले बाँकेमा धार्मिक सद्भाव र सामाजिक एकता कायम गर्ने प्रतिबद्धता ब्यक्त गरेका छन् । ’सद्भावको सहर’ नेपालगन्जको पहिचानलाई जोगाइराख्न सबै प्रतिबद्ध हुनुपर्नेमा उनीहरुको जोड थियो । त्यसका लागि धर्मका नाममा हुने जुनसुकै गतिविधिको पनि स्थानीय प्रशासनले निगरानी बढाउने भएको छ ।
‘बैठकले सामाजिक सञ्जाल तथा सञ्चार माध्यममा घृणा, द्वेष र उत्तेजना फैलाउने सामग्रीको नियमन गर्ने निर्णय गरेको छ’, प्रमुख जिल्ला अधिकारी दिल कुमार तामाङले भने । सबैजसो राजनीतिक दलका प्रमुख तथा प्रतिनिधि, स्थानीय तहका प्रमुख, धर्मगुरुm मानवअधिकारकर्मी लगायत सम्मिलित बैठकले त्यस्ता कर्ममा संलग्नलाई कानुनी दायरामा ल्याएर दण्डित गराउने र त्यसको लागि सबैले सहयोग गर्ने निर्णय गरेको छ ।
यसबीच धार्मिक ¥यालीलाई ब्यवस्थापन गरिने भएको छ । त्यसका लागि धर्मका नाममा निकालिने ¥यालीका लागि औचित्य पुष्टि हुने गरि पूर्व इजाजत लिनुपर्नेछ । ‘¥यालीमा हातहतियार निषेधित गरिएको छ,’ ध्वनि प्रदुषण नियन्त्रण गर्ने, निश्चित रुटमा मात्र त्यसखालका ¥याली निकाल्न पाउने गरि गरिएको निर्णयबारे जानकारी दिंदै प्रजिअ तामाङले दैनिक नेपालगन्जसंग भने, ‘कानुन उल्लंघन गर्ने जोकसैलाई पनि दण्डित गर्न प्रशासन प्रतिबद्ध छ, कसैले अवरोध सिर्जना नगर्ने कुरामा सर्वदलीय प्रतिबद्धता आएको छ ।’
मुख्यतः आसन्न निर्वाचन केन्द्रीत मंगलवारको बैठकमा मधेश प्रदेशमा भएको अप्रीय धार्मिक–साम्प्रदायिक घटनाका बाछिटा आउन नदिन उच्च सतर्कता अपनाउन सहभागीहरुले सुझाव दिएका छन् । बैठकमा फागुन २१ गते हुने प्रतिनिधिसभा सदस्य निर्वाचनको अहिलेसम्मको तयारीबारे जिल्ला निर्वाचन कार्यालय बाँकेका जिल्ला निर्वाचन अधिकारी टेक बहादुर शाहीले जानकारी दिएका थिए ।
जेनजी पुस्ताका प्रतिनिधिसमेतको सहभागितामा भएको बैठकमा बाँके राष्ट्रिय निकुञ्ज र आसपासका वस्तीमा वन्यजन्तुले पारेको मानवीय क्षति रोक्न आफुले सरोकारवाला सबैको ध्यानाकर्षण गराएको विकासका लागि नागरिक समाजका संयोजक कृष्ण प्रसाद श्रेष्ठले बताए ।
