- बुधबार राति लुटेराहरूले बाँकेको खजुरा गाउँपालिका-५ रुद्रपुर नयाँ बस्तीका ४० वर्षीय सन्तोष कठरियाको हत्या गरी उनको घरमा चोरी गरेका छन् । राति १ बजे हतियारसहित आएका ति लुटेराहरुले सुन, पैसा र मोबाइल चोरी गरेको पीडित परिवारले जनाएका छन् ।
- नेपालगन्जमा अवैध औषधि पसल सञ्चालन गरी औषधि बिक्रीवितरण गर्ने विकास लखेर पक्राउ परेका प्रमुख जिल्ला अधिकारी श्रवणकुमार पोखरेलले जानकारी दिए ।
- नेपालगन्जस्थित महेन्द्र बहुमुखी क्याम्पसमा स्वतन्त्र विद्यार्थी युनियन (स्ववियु) ले क्याम्पस प्रमुखको कुर्सी रुखमा झुन्ड्याएको छ । नियमित पठनपाठनसहित १५ बुँदे माग राखेको स्ववियुले क्याम्पस प्रमुखको राजीनामा माग्दै उनलाई १० दिनसम्म कार्यकक्षमा आउनसमेत निषेध गरेको छ ।
- नेपालगन्जस्थित जमुनाहदेखि भन्सार कार्यालयसम्मको करिब ढेड किलोमिटर क्षेत्रमा रात्रिकालीन आवागमन सहज बनाइएको छ । भन्सारदेखि जमुनाहसम्म राति १० बजेसम्म मात्रै आवागमन अबदेखि २४सैं घण्टा सुचारु हुने प्रमुख जिल्ला अधिकारी श्रवणकुमार पोखरेलले जानकारी दिए ।
- नेपालगन्जमा ११४औँ अन्तर्राष्ट्रिय महिला दिवसको अवसरमा युवा स्वरोजगार तथा उद्यमशीलता विकाससम्बन्धी अभिमुखीकरण कार्यक्रम सम्पन्न भएको छ ।
- भेरी अस्पतालमा सञ्चालन भएको एक महिना नहुँदै एमआरआइ मेसिन बिग्रिएर स्वास्थ्य परीक्षण बन्द भएको छ ।
- ब्राइटल्याण्ड स्कुलले बिहीबार आफ्ना विद्यार्थीहरूको प्रतिभा उजागर गर्न विज्ञान प्रदर्शनी गरेको छ । त्यस्तै ब्राइटल्याण्ड इन्टर कलेज फुटसल टुनामेन्टको उपाधि ब्याइजतर्फ टिम स्वी र गल्स् तर्फ बिएलसी फुटसल क्लबले हात पारेका छन् ।
- टिप्परले साइकल यात्रीलाई ठक्कर दिँदा बर्दिया मधुवन नगरपालिका-५ का ४९ वर्षीय धर्मबहादुर थापाको मृत्यु भएको छ ।
- र, नेपाल प्रेस सेन्टरको लुम्बिनी प्रदेशस्तरीय भेला तथा मिडिया सम्मेलन कोहलपुरमा सुरु भएको छ ।
