व्यावसायिक सफलतालाई सामाजिक सेवामा जोड्दै ‘अम्बे फर्नििसिङ’
व्यवसायलाई केवल नाफासँग मात्र होइन, भावना र सामाजिक उत्तरदायित्वसँग जोड्नुपर्छ भन्ने एउटा उत्कृष्ट उदाहरण अम्बे फर्नििसिङ गार्डन (Ambay Furnishing Garden) ले प्रस्तुत गरेको छ।
अम्बे फर्निसिङ्गका प्रवन्ध निर्देशक पंकज श्रेष्ठका अनुसार, “आमाको सम्झनामा” भन्ने पवित्र भावनाका साथ यस संस्थाले देशका विभिन्न ५ रणनीतिक स्थानहरूमा एकै पटक स्तनपान कक्ष (Breastfeeding Room) सञ्चालनमा ल्याएको छ।
हुर्कँदै गरेका शिशु र आमाहरूको गोपनीयता तथा सहजतालाई ध्यानमा राख्दै विभिन्न स्थानमा सेवा सुरु गरिएको प्रवन्ध निर्देशक श्रेष्ठले बताए ।
धनगढी एयरपोर्ट, सुर्खेत एयरपोर्ट र नेपालगन्ज एयरपोर्टमा उक्त सेवा शुभारम्भ गरिएको जानकारी दिँदै श्रेष्ठले दैनिक नेपालगन्जसँग भने, नेपालगन्ज एअरपोर्टमा पछिल्लो पाँच वर्षदेखि उक्त सेवा उपलब्ध गराउँदै आएको छ भने छिट्टै विराटनगर एअरपोर्टमा सेवा सुचारु गर्न परामर्श गरिएको छ ।
आफूले नितान्त सेवाभाव तथा
भावनात्मक लगाव र उद्देश्यले
आफ्नी आमाको स्मृतिमा सुरु गरिएको यो अभियान सार्वजनिक स्थलमा स्तनपान गराउन असहज महसुस गर्ने आमाहरूलाई ठुलो राहत पुर्याउने विश्वास गरिएको अम्बे फर्निसिङ का प्रवन्ध निर्देशक श्रेष्ठले प्रष्ट पारे ।
“आमाको सम्मान, शिशुको स्वास्थ्य, र समाजप्रतिको उत्तरदायित्व” भन्ने कुरालाई मुख्य मन्त्र बनाएको उनको यो पहलले नेपाली समाजमा परोपकारको नयाँ शैली भित्र्याएको छ।
यही भावना र सफलताले बर्दिया अस्पताल र राप्ती गाउँपालिकामा पनि सेवा विस्तार गरिसकेका उनी भन्छन्, आगामी असार भित्रै यो सेवा सञ्चालन गरिँदैछ ।
प्रवन्ध निर्देशक श्रेष्ठले देखाएको ऊर्जाले बोलिरहेको छ, अम्बे फर्नििसिङ गार्डन यतिमै रोकिने सोचमा छैन। उनका अनुसार, हाल थप ३ वटा स्तनपान कक्षहरू निर्माणको अन्तिम चरणमा छन्।
यसै वर्षको असार महिनाभित्र देशका विभिन्न महत्वपूर्ण केन्द्रमा १० वटा व्यस्त सार्वजनिक स्थलहरू पहिचान गरी यस्ता कक्षहरू स्थापना गर्ने लक्ष्य लिइएको छ।
सार्वजनिक स्थलमा आमाहरूलाई निर्धक्क भई शिशुलाई दूध खुवाउन सहज हुने गरी श्रेष्ठले अघि सारेको यो पहलले सुरक्षित र सफा वातावरणले शिशुको स्वास्थ्यमा सकारात्मक प्रभाव पार्छ भन्नेमा सबैले विश्वास जनाएका छन्।
विशेष गरी विमानस्थल जस्ता व्यस्त ठाउँमा साना बच्चा बोकेका आमाहरूका लागि यो सेवा वरदान सावित हुने गरेको श्रेष्ठ आफैंले पनि महसुस गरेको बताउँछन्।
यो नि:स्वार्थ पहलका लागि अम्बे फर्नििसिङ गार्डनलाई सामाजिक सञ्जाल र स्थानीय स्तरमा व्यापक प्रशंसा मिलिरहेको कुराले श्रेष्ठ निकै उत्साहित भएको बताउँछन् ।
